ന്യൂഡല്‍ഹി: ന്യൂഡല്‍ഹി: രാഷ്ട്രപതിയുടെ നയപ്രഖ്യാപന പ്രസംഗത്തോടെ പാര്‍ലമെന്റിന്റെ ബജറ്റ് സമ്മേളനത്തിന് തുടക്കമായി. ഇത്തവണ നേരത്തെയാണ് ബജറ്റ് അവതരണം.കേന്ദ്ര ബജറ്റും റെയില്‍വേ ബജറ്റും ഒരുമിച്ച് അവതരിപ്പിക്കുന്നുവെന്ന പ്രത്യേകതയും ഇത്തവണയുണ്ടെന്ന് രാഷ്ട്രപതി പറഞ്ഞു.

രാഷ്ട്രപതിയുടെ നയപ്രഖ്യാപന പ്രസംഗത്തില്‍ നിന്ന്:

• എല്ലാവര്‍ക്കും ഒപ്പം എല്ലാവര്‍ക്കും വികസനം എന്നതാണ് സര്‍ക്കാര്‍ നയം.
• സര്‍ക്കാരിന്റെ ക്ഷേമപദ്ധതികള്‍ ജീവിതനിലവാരത്തില്‍ വലിയ മാറ്റമുണ്ടാക്കി.
• കള്ളപ്പണം തടയാന്‍ എല്ലാവരും ഒന്നിച്ചുനിന്നു.
• കറന്‍സി രഹിത സമ്പദ് വ്യവസ്ഥയിലേക്ക് രാജ്യം മാറുന്നു
• പാവപ്പെട്ടവരെ സഹായിക്കുക എന്നതാണ് സര്‍ക്കാരിന്റെ ലക്ഷ്യം.
• എല്ലാവര്‍ക്കും വീട് ആരോഗ്യ സുരക്ഷ, ശുചിമുറികള്‍ എന്നിവ ഉറപ്പാക്കും.
• രാജ്യത്ത് 1.2 കോടി ജനങ്ങള്‍ പാചക വാതക സബ്‌സിഡി വേണ്ടെന്നുവെച്ചു. സബ്‌സിഡി വേണ്ടെന്നുവെച്ചവര്‍ പാവങ്ങളെ സഹായിക്കുകയാണ് ചെയ്തത്.
• ധാന്യങ്ങളുടെ വിലക്കയറ്റം രാജ്യം നേരിടുന്ന പ്രധാന വെല്ലുവിളിയാണ്.
• യുവാക്കളുടെ നൈപുണ്യവികസനത്തിന് 50 കേന്ദ്രങ്ങള്‍
• പ്രധാനമന്ത്രിയുടെ യുവയോജന 7 ലക്ഷം വിദ്യാര്‍ഥികള്‍ക്ക് ഗുണം ചെയ്തു.
• സാമ്പത്തിക- സാമൂഹിക സുരക്ഷിതത്വം ഉറപ്പാക്കാന്‍ സര്‍ക്കാര്‍ പ്രതിജ്ഞാബദ്ധം
• ഒളിംപിക്സ് ജേതാക്കളായ  പി.വി സിന്ധു, സാക്ഷി മാലിക്, ദീപ കര്‍മാക്കര്‍ എന്നിവരെ അദ്ദേഹം അഭിനന്ദിച്ചു.
• പട്ടികജാതി- പട്ടികവര്‍ഗ മേഖലയില്‍ നിന്നുള്ള സംരംഭകര്‍ക്കായി വിപുലമായ പരിപാടികള്‍ ആവിഷ്‌കരിക്കും
• ലോക്‌സഭ, നിയമസഭ തെരഞ്ഞെടുപ്പുകള്‍ ഒന്നിച്ചാക്കാന്‍ ക്രിയാത്മക ചര്‍ച്ച വേണം.
• സംവാദം, സമന്വയം, സംവേദനത്വം എന്നിവയായിരിക്കും സര്‍ക്കാരിനെ നയിക്കുക
• പ്രകൃതിവാതക പൈപ്പ്‌ലൈന്‍ പദ്ധതിക്ക് 12,500 കോടി രൂപ അനുവദിച്ചു
• ഭീകരരെ പരാജയപ്പെടുത്താന്‍ മറ്റ് രാജ്യങ്ങളുമായി സഹകരിച്ച് പ്രവര്‍ത്തിക്കും