പാനൂര്‍:നാലു ബൈക്കുകളിലെത്തിയ എട്ടംഗ മുഖംമൂടി സംഘം വീട്ടില്‍ കയറി ഭീഷണിപ്പെടുത്തുകയും ബഹളം കേട്ട് ഓടിയെത്തിയ വിദ്യാര്‍ഥിയെ ക്രൂരമായി മര്‍ദിക്കുകയും ചെയ്തു. പെരിങ്ങത്തൂര്‍ എന്‍.എ.എം ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥി പാലിലാണ്ടി പി.ഒ അലിയുടെ മകന്‍ ഫായിസ് (17 )നാണ് മര്‍ദനമേറ്റത്.ഇന്നലെ രാത്രി ഒമ്പതു മണിയോടെ പാറാട്ടെ ബിലാല്‍ മസ്ജിദിന് സമീപമുള്ള പാറേമ്മല്‍ സഫിയയുടെയും വീട്ടില്‍ കയറി ഭീഷണിപ്പെടുത്തുകയും വധഭീഷണി മുഴക്കുകയും ചെയ്തിരുന്നു. ഗുരുതരമായി പരുക്കേറ്റ ഫായിസിനെ തലശ്ശേരി സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചു. പാനൂര്‍ പൊലിസ് സ്ഥലത്തെത്തി അന്വേഷണം നടത്തി.