എരുമപ്പെട്ടി: കാറിടിച്ച് വഴിയാത്രക്കാരന് ഗുരുതരമായി പരുക്കേറ്റു. വെള്ളറക്കാട് കൈകുളങ്ങര വീട്ടില്‍ ശങ്കുരു എന്ന് വിളിക്കുന്ന ചന്ദ്രു (72) വിനാണ് പരുക്ക് പറ്റിയത്. വെള്ളറക്കാട് വെള്ളത്തേരി റോഡിന് സമീപമാണ് അപകടം ഉണ്ടായത്. റോഡ് മുറിച്ച് കടക്കുന്നതിനിടയില്‍ എരുമപ്പെട്ടി സ്വദേശി ഓടിച്ചിരുന്ന കാര്‍ ഇടിക്കുകയായിരുന്നു.
തെറിച്ച് റോഡില്‍ തലയിടിച്ച് വീണ ചന്ദ്രുവിനെ നാട്ടുകാര്‍ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. തലക്ക് സാരമായി പരുക്കേറ്റ ചന്ദുവിന്റെ നില ഗുരുതരമാണ്.