ഗുരുവായൂര്‍: അക്രമരാഷ്ട്രീയത്തില്‍ ബലിയാടാകുന്ന കുടുംബങ്ങളെകുറിച്ച് ഫേയ്‌സ്ബുക്ക് പോസ്റ്റിട്ട മോണാആക്ട് കലാകാരിയായ പത്താംക്ലാസ് വിദ്യാര്‍ഥിയെ നടുറോഡില്‍ ഭീഷണിപെടുത്തിയ രണ്ട് യുവാക്കളെ ഗുരുവായൂര്‍ പൊലിസ് അറസ്റ്റ് ചെയ്തു.
വടക്കേകാട് കല്ലൂര്‍ സ്വദേശികളായ കണ്ണത്ത് വീട്ടില്‍ ഫയാസ് (25), ചെട്ടിയാട്ടില്‍ വീട്ടില്‍ അബ്ദുള്‍ഹക്ക് (21) എന്നിവരാണ് അറസ്റ്റിലായത്. ഗുരുവായൂര്‍ നഗരസഭാ കൗണ്‍സിലര്‍ ബഷീര്‍ പൂക്കോടിന്റെ മകള്‍ സ്‌നേഹാ ബഷീറിനെയാണ് ഞായറാഴ്ച തമ്പരാന്‍പടിയില്‍ വെച്ച് ഇവര്‍ ഭീഷണിപെടുത്തിയത്. അക്രമരാഷ്ടീയത്തിനെതിരെയുള്ള സ്‌നേഹയുടെ ഫെയ്‌സിബുക്ക്‌പോസ്റ്റ് ആയിരങ്ങള്‍ ലൈക്ക്‌ചെയ്തിരുന്നു. ഇതാണ് പ്രതികളെ പ്രകോപിതരാക്കിയത്. നിരവധി കലോത്സവങ്ങളില്‍ മോണോആക്ടിന് സമ്മാനം ലഭിച്ചിട്ടുള്ള കലാകാരിയാണ് സ്‌നേഹാബഷീര്‍.