കുന്നംകുളം: കിഴൂര്‍ വിവേകാനന്ദ കോളജില്‍ വിദ്യാര്‍ഥി സംഘര്‍ഷം. എസ്.എഫ്.ഐ, എ.ബി.വി.പി പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ ഇരു വിഭാഗത്തിലും പെട്ട 4 വിദ്യാര്‍ഥികള്‍ക്ക് പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. എസ്്.എഫ്.ഐ പ്രവര്‍ത്തകരും മൂന്നാം വര്‍ഷ മലയാളം വിദ്യാര്‍ഥികളുമായ ചാവക്കാട് പള്ളത്ത് ഹസ്സന്‍ മുബാറക്ക് (23), കുമ്പിടി സ്വദേശി മിഥുന്‍, എ.ബി.വി.പി പ്രവര്‍ത്തകരും ഒന്നാം വര്‍ഷ ഇംഗ്ലീഷ് വിദ്യാര്‍ഥികളുമായ കരിക്കാട് മൂര്‍ത്താട്ടില്‍ വിഷ്ണു (18). കാട്ടകാമ്പാല്‍ കണ്ടംപുള്ളി ആദര്‍ശ് (18) എന്നിവര്‍ക്കാണ് പരിക്കേറ്റത്. എ.ബി.വി.പി പ്രവര്‍ത്തകരെ കുന്നംകുളം മലങ്കര ആശുപത്രിയിലും മറു വിഭാഗത്തെ താലൂക്ക് ആശുപത്രിയലും പ്രവേശിപ്പി ച്ചു. കണ്ണി ന് ഗുരുതരമായി പരുക്കേറ്റ ഹസ്സന്‍ മുബാറക്കിനെ വിദഗ്ധ ചികിത്സക്കായി മെഡിക്കല്‍ കോളജിലേക്ക് മാറ്റി. ഉച്ചക്ക് 11.30 ഓടെയായിരുന്നു സംഘര്‍ഷം. എസ്.എഫ്.ഐ കൊടിമരം നശിപ്പിച്ചതുമായി ബന്ധപെട്ട് നടത്തിയ പ്രതിഷേധത്തിനിടേയാണ് ആക്രമണമുണ്ടായതെന്ന് പറയുന്നു. പ്രതിഷേധത്തിനിടെ ഇരുവിഭാഗവും തമ്മിലുണ്ടായ വാക്കു തര്‍ക്കം സംഘര്‍ഷത്തിലെത്തുകയായിരുന്നു. എ.ബി.വി.പി പ്രവര്‍ത്തകരായ വിദ്യാര്‍ ഥികളെ അധ്യാപകരും ആക്രമിച്ചതായാണ് പരാതിയില്‍ പറയുന്നത്. സംഭവത്തില്‍ ഇരു വിഭാഗവും കുന്നംകുളം പൊലിസില്‍ പരാതി നല്‍കി.