പരവൂര്‍: പരവൂരില്‍ ഡി.വൈ.എഫ്.ഐ ബി.ജെ.പി സംഘര്‍ഷം. ബി.ജെ.പി പ്രവര്‍ത്തകര്‍ ഡി.വൈ.എഫ്.ഐയുടെ കൊടിമരം തകര്‍ത്തുവെന്നാരോപിച്ചാണ് സ്ഥലത്ത് സംഘര്‍ഷം നടന്നത്. സംഭവത്തില്‍ പ്രതിഷേധിച്ച് പരവൂരില്‍ ഇന്ന് സി.പി.എം ഹര്‍ത്താല്‍ ആചരിക്കും. ഇന്നലെ വൈകീട്ട് ബി.ജെ.പിയുടെ നേതൃത്വത്തില്‍ ടൗണില്‍ പ്രകടനം നടന്നിരുന്നു.
രണ്ട് ദിവസം മുമ്പ് ബി.ജെ.പിയുടെ കൊടി തോരണങ്ങള്‍ സി.പി.എം പ്രവര്‍ത്തകര്‍ നശിപ്പിച്ചതില്‍ പ്രതിഷേധിച്ചാണ് പ്രകടനം നടന്നത്. ഇതിനടെ പരവൂര്‍ ജങ്ഷനിലെ ഡി.വൈ.എഫ്.ഐയുടെ കൊടി മരം തകര്‍ത്തുവെന്നാരോപിച്ചാണ് പ്രശ്‌നങ്ങള്‍ക്ക് തുടക്കമായത്. ജങ്ഷനില്‍ കട നടത്തുന്ന ബി.ജെ.പി പ്രവര്‍ത്തകന്റെ കടക്ക് നേരെ ഡി.വൈ.എഫ്.ഐ പ്രവര്‍ത്തകര്‍ ആക്രമണം നടത്തി. രാത്രി ഏറിയും സ്ഥലത്ത് സംഘര്‍ഷാവസ്ഥ നിലനിന്നു.