ജിദ്ദ:  80 വേട്ടപ്പക്ഷികളുമായി സഊദി രാജകുമാരന്റെ ജെറ്റ് യാത്രയുടെ ചിത്രം സമൂഹമാധ്യമങ്ങളില്‍ ഇതിനോടകം വൈറലായിക്കഴിഞ്ഞു.

യാത്രക്കാര്‍ക്കടുത്തായി പരുന്തുകള്‍ ഇരിക്കുന്ന ചിത്രം റെഡ്ഡിറ്റില്‍ ലെന്‍സൂ എന്ന അക്കൗണ്ടിലാണ് പോസ്റ്റ് ചെയ്തത്. ചിറകു കെട്ടിയാണ് വേട്ടപ്പക്ഷികളെ വിമാനത്തില്‍ കയറ്റിരിക്കുന്നത്.
ചിത്രത്തില്‍നിന്നു വ്യക്തമാകുന്നത് ഖത്തര്‍ എയര്‍വെയ്‌സിന്റെ വിമാനമാണെന്നാണ്. ഇക്കാര്യം സ്ഥിരീകരിച്ചിട്ടില്ല. ചിത്രം വിവാദമാക്കേണ്ട കാര്യമൊന്നുമല്ലെന്നും ഗള്‍ഫ് നാടുകളില്‍ വേട്ടപ്പക്ഷികളെ വിമാനത്തില്‍ കൊണ്ടുപോകാന്‍ അനുമതിയുണ്ടെന്നും നിരവധി ആളുകള്‍ സമൂഹമാധ്യമങ്ങളില്‍ പ്രതികരിച്ചിട്ടുണ്ട്.

വിമാനയാത്രകള്‍ക്ക് വേണ്ടി സ്വന്തം പാസ്‌പോര്‍ട്ടുള്ള വേട്ടപ്പക്ഷികളുമുണ്ട്. പക്ഷിക്കടത്ത് ഒഴിവാക്കുന്നതിനു വേണ്ടിയാണ് പാസ്‌പോര്‍ട്ട് ഏര്‍പ്പെടുത്തിയിരിക്കുന്നത്.

ഖത്തര്‍ എയര്‍വെയ്‌സില്‍ 500 പൗണ്ട് വരെ വിലവരുന്ന ആറ് വേട്ടപ്പക്ഷികളെ എക്കണോമി ക്ലാസില്‍ കൊണ്ടുപോകാന്‍ അനുവദിക്കുന്നുണ്ട്.

രാജകുടുംബങ്ങള്‍ മരുഭൂമില്‍ വേട്ടയ്ക്കു പോകുമ്പോഴാണ് വേട്ടപ്പക്ഷികളെ കൂടെ കൂട്ടുന്നത്. പക്ഷികളെ പിടികൂടാന്‍ പരിശീലനം നല്‍കിയ പരുന്തുകളാണിവ. എത്തിഹാദും വേട്ടപ്പക്ഷികളെ കൊണ്ടുപോകാന്‍ അനുവദിക്കാറുണ്ട്.