ഫറോക്ക്: റേഷന്‍ വിഹിതം വെട്ടിക്കുറച്ച കേന്ദ്ര സര്‍ക്കാര്‍ നടപടിക്കെതിരേ എല്‍.ഡി.എഫ് ആഭിമുഖ്യത്തില്‍ നടത്തുന്ന രാജ്ഭവന്‍ മാര്‍ച്ചിന്റെ പ്രചരണാര്‍ഥം വി.കെ.സി മമ്മദ്‌കോയ എം.എല്‍.എ നയിക്കുന്ന എല്‍.ഡി.എഫ് ബേപ്പൂര്‍ മണ്ഡലം പ്രചരണ ജാഥക്കു തുടക്കമായി.
ബേപ്പൂരില്‍ സി.പി.ഐ.എം ജില്ലാ സെക്രട്ടറി പി. മോഹനന്‍ ഉദ്ഘാടനം ചെയ്തു. സി.പി.ഐ മണ്ഡലം സെക്രട്ടറി പിലാക്കാട്ട് ഷണ്‍മുഖന്‍ അധ്യക്ഷനായി. പൊറ്റത്തില്‍ ബാലകൃഷ്ണന്‍, പ്രകാശ് കറുത്തേടത്ത്, വി. അബ്ദുല്‍ ലത്തീഫ്, കലാം കടുവാനത്ത്, സലീം വേങ്ങാട്ട് സംസാരിച്ചു.
കെ.വി ശിവദാസന്‍ സ്വാഗതവും ജാഥാ ക്യാപ്റ്റന്‍ വി.കെ.സി മമ്മദ്‌കോയ നന്ദിയും പറഞ്ഞു. ജാഥ ഇന്നു മൂന്നിന് നടുവട്ടത്തുനിന്നു പ്രയാണമാരംഭിച്ച് വൈകിട്ടു ഏഴിന് പരുത്തിപ്പാറയില്‍ സമാപിക്കും.