ഗോണിക്കൊപ്പ: കുടകിലെ ശ്രീമംഗലക്കടുത്തു കുമട്ടൂറു പ്രദേശത്തെ വനത്തില്‍ പെണ്‍ പുലി കെണിയില്‍ വീണ് ചത്തു. കഴിഞ്ഞ ദിവസമാണ് അഞ്ച് വയസ് പ്രായമായ പുലിയെ ചത്ത നിലയില്‍ കാണപ്പെട്ടത്. കാട്ടു പന്നിക്ക് വച്ച കെണിയില്‍പെട്ടതാകാമെന്ന് വിരാജ്‌പേട്ട നവ ഉപസംരക്ഷണാധികാരി സൂര്യസേന പറഞ്ഞു. ശ്രീമംഗല ഭാഗത്ത് ഇതോടെ അടുത്തിടെയായി ചത്ത പുലികളുടെ എണ്ണം മൂന്നായി. ഒരാഴ്ച മുന്‍പ് ഈ ഭാഗത്ത് മറ്റൊരു പുലി കൂടി ചത്തിരുന്നു. കഴിഞ്ഞ ആഴ്ചയാണ് പുലിയുടെ ആക്രമണത്തില്‍ തോട്ടം തൊഴിലാളിക്ക് പരുക്കേറ്റത്.