പയ്യന്നൂര്‍: ധാര്‍മിക പഠനത്തിന് കൂടുതല്‍ പ്രോത്സാഹനം നല്‍കി പുതിയ കാലത്തെ വെല്ലുവിളികളെ സ്വീകരിച്ച് വിദ്യാഭ്യാസത്തെ മെച്ചപ്പെടുത്തി മുന്നോട്ട് പോകുന്നതിന് തയാറാവണമെന്ന് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് സെക്രട്ടറി എം.എ ഖാസിം മുസ്‌ലിയാര്‍. മദ്‌റസ മനേജ്‌മെന്റ് അസോസിയേഷന്‍ ജില്ലാ കമ്മിറ്റി സംഘടിപ്പിച്ച മേഖലാതല സംഗമങ്ങളുടെ ജില്ലാതല ഉദ്ഘാടനം പയ്യന്നൂര്‍ ബദരിയ്യ മദ്‌റസയില്‍ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന വൈസ് പ്രസിഡന്റായി തെരഞ്ഞെടുക്കപ്പെട്ട കെ.പി.പി തങ്ങള്‍ അല്‍ബുഖാരി, സംസ്ഥാന എക്‌സിക്യൂട്ടീവ് അംഗമായി തെരഞ്ഞെടുക്കപ്പെട്ട മുഹമ്മദ് ഇബ്‌നു ആദം, എസ്.കെ ഹംസ ഹാജി എന്നിവര്‍ക്ക് ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റി ഏര്‍പ്പെടുത്തിയ ഉപഹാരം എം.എ ഖാസിം മുസ്‌ലിയാര്‍ നല്‍കി.
അഷ്‌റഫ് ബംഗാളി മൊഹല്ല അധ്യക്ഷനായി. അബ്ദുസമദ് മുട്ടം, അസ്‌ലം അസ്ഹരി പൊയ്ത്തുംകടവ് ക്ലാസുകള്‍ക്ക് നേതൃത്വം നല്‍കി. സിറാജുദ്ദീന്‍ ദാരിമി കക്കാട്, ശൈഖ് മുഹമ്മദ് മുസ്‌ലിയാര്‍, കെ.സി മൊയ്തു മൗലവി, അഫ്‌സല്‍ രാമന്തളി, സി മുഹമ്മദ് കുഞ്ഞി ഹാജി, അഹ്മദ് പോത്താംകണ്ടം, ആര്‍ അബ്ദുല്ല ഹാജി, മഹ്മൂദ് ഹാജി മാതമംഗലം, സി.വി അബ്ദുല്‍ ഖാദര്‍, ടി.വി അഹ്മദ് ദാരിമി, ബഷീര്‍ ദാരിമി, ടി.സി സലീം ധര്‍മ്മടം, വി.കെ മുഹമ്മദ് കൂത്തുപ്പറമ്പ്, സുബൈര്‍ ഉരുവച്ചാല്‍, എം.വി നജീബ്, അബ്ദുശുക്കൂര്‍ ഫൈസി, വി.പി.പി ഹമീദ്, എന്‍.എ മജീദ് വെള്ളൂര്‍ സംസാരിച്ചു.