കോട്ടപ്പുറം: ചരിത്ര പ്രസിദ്ധമായ കോട്ടപ്പുറം മഖാം ഉറൂസ് മുബാറക്കും മതവിജ്ഞാന സദസും ഫെബ്രുവരി 10 മുതല്‍ 15 വരെ മഖ്ദൂം നഗറില്‍ നടക്കും. 10 നു ജുമ്ആ നിസ്‌കാരാനന്തരം ഉറൂസിനു തുടക്കം കുറിച്ചു പതാക ഉയരും.
മഗ്‌രിബ് നിസ്‌കാരത്തിനു ശേഷം നീലേശ്വരം ഖാസി ഇ.കെ മഹമ്മൂദ് മുസ്‌ലിയാര്‍ ഉദ്ഘാടനം ചെയ്യും. ഇസ്മാഈല്‍ സഖാഫി നെല്ലിക്കുഴി മുഖ്യപ്രഭാഷണം നടത്തും.
11 നു രാത്രി എട്ടിനു ഉസ്താദ് അന്‍വര്‍ സാദിഖ് ഫൈസി കാഞ്ഞിരപ്പുഴ, 12 നു രാത്രി എട്ടിനു അബൂബക്കര്‍ സിദ്ദിഖ് അസ്ഹരി, 13 നു രാത്രി എട്ടിനു ഉസ്താദ് അല്‍ഹാഫിള് അഹമ്മദ് കബീര്‍ ബാഖവി കാഞ്ഞാര്‍ എന്നിവരുടെ പ്രഭാഷണം നടക്കും.
14 നു മഖ്‌രിബ് നിസ്‌കാരത്തിനു ശേഷം മജ്‌ലിസ് നൂറും ഖത്തംദുആയും. 15 നു രാത്രി എട്ടിനു മുസ്തഫ അഷ്‌റഫി കക്കുംപടിയുടെ പ്രഭാഷണം. തുടര്‍ന്നു നടക്കുന്ന കൂട്ടുപ്രാര്‍ഥനയ്ക്കു ഉസ്താദ് മാണിയൂര്‍ അഹമ്മദ് മൗലവി നേതൃത്വം നല്‍കും. അന്നദാനവും ഉണ്ടായിരിക്കും.