കാസര്‍കോട്: വിദ്യാഭ്യാസ വകുപ്പിന്റെ ആഭിമുഖ്യത്തില്‍ നടത്തിയ ജില്ലാ അറബിക് അധ്യാപക ഫെസ്റ്റില്‍ കാസര്‍കോട് ഉപജില്ലയ്ക്ക് ഹാട്രിക് കിരീടം. 68 പോയിന്റുകള്‍ നേടിയാണ് മൂന്നാം തവണയും വിജയ കിരീടം നില നിര്‍ത്തിയത്. 55 പോയിന്റുകള്‍ നേടിയ ചെറുവത്തൂര്‍ ഉപജില്ല രണ്ടാം സ്ഥാനത്തെത്തി.
രാവിലെ നടന്ന അറബിക് അധ്യാപക ഫെസ്റ്റ് ഐ.എം.ഇ അബ്ദുല്‍ റഹ്്മാന്‍ ഉദ്ഘാടനം ചെയ്തു. കെ.എ മാഹി അധ്യക്ഷനായി. സമാപന സമ്മേളനത്തില്‍ വിജയികള്‍ക്കുളള ട്രോഫികള്‍ എ.ഇ.ഒ. പി രവീന്ദ്ര നാഥന്‍ സമ്മാനിച്ചു. സര്‍ട്ടിഫിക്കറ്റുകള്‍ ബി.പി.ഒ ജയരാജന്‍ വിതരണം ചെയ്തു. പി.എം അബ്ദുല്‍ ഖാദര്‍, മജീദ്, ബഷീര്‍, അലി അക്ബര്‍, മുസ്തഫ, യൂസുഫ്, അന്‍വര്‍ അബ്ദുല്ല, ഹാരിസ് സംസാരിച്ചു.