തൃക്കരിപ്പൂര്‍: പൈതൃകവും ജനാധിപത്യ മൂല്യങ്ങളും നശിപ്പിച്ചു രാജ്യത്തെ ഭിന്നിപ്പിക്കുന്ന വിധം സാഹിത്യ, സാംസ്‌ക്കാരിക രംഗങ്ങളില്‍ വളര്‍ന്നുവരുന്ന ഫാസിസ്റ്റ് പ്രവണതകളെ ജനകീയ ബദല്‍ ഉയര്‍ത്തി പ്രതിരോധിക്കണമെന്ന് തൃക്കരിപ്പൂര്‍ യുവകലാസാഹിതി യോഗം അഭിപ്രായപ്പെട്ടു. യുവകലാസാഹിതി ജില്ലാ പ്രസിഡന്റ് വത്സന്‍ പിലിക്കോട് ഉദ്ഘാടനം ചെയ്തു. തൃക്കരിപ്പൂര്‍ വേണു അധ്യക്ഷനായി. എം. ഗംഗാധരന്‍, പി. രാജഗോപാലന്‍, ഷാജഹാന്‍ തൃക്കരിപ്പൂര്‍, കെ. വി. ഗോപാലന്‍, ഇ. രാഘവന്‍ മാസ്റ്റര്‍, ഉദിനൂര്‍ സുകുമാരന്‍, എം.പി.ബിജീഷ്, കെ. മധുസൂദനന്‍, കെ.സുജിത്ത്, പരങ്ങേന്‍ സദാനന്ദന്‍, രാജന്‍ കഞ്ചിയില്‍, സഹദേവന്‍ മാണിയാട്ട്, ടി.വി. രവി സംസാരിച്ചു. ഭാരവാഹികളായി ഷാജഹാന്‍ തൃക്കരിപ്പൂര്‍ ( പ്രസി ), പി. രാമകൃഷ്ണന്‍ ( വൈ് പ്രസി ), ഉദിനൂര്‍ സുകുമാരന്‍ ( സെക്രട്ടറി ) പി. രാജഗോപാലന്‍ ( ജോ.സെ) ഇ.രാഘവന്‍ മാസ്റ്റര്‍ ( ട്രഷ).