ഗൂഡല്ലൂര്‍: തമിഴ്‌നാടിന്റെ വിവിധ ഭാഗങ്ങളില്‍ മോഷണം നടത്തിവന്ന രണ്ട് പേരെ പൊലിസ് അറസ്റ്റ് ചെയ്തു.
ഗൂഡല്ലൂര്‍ സ്വദേശികളായ രാജ (32), കറുപ്പുസ്വാമി (22) എന്നിവരെയാണ് ഗൂഡല്ലൂര്‍ ഇന്‍സ്‌പെക്ടര്‍ ശക്തിവേലു, പൊലിസുകാരായ പ്രമോദ്കുമാര്‍, ശ്രീജന്‍, താജുദ്ധീന്‍ എന്നിവരുടെ നേതൃത്വത്തിലുള്ള സ്‌പെഷ്യല്‍ സംഘം അറസ്റ്റ് ചെയ്തത്.
തിരിപ്പൂര്‍, ധാരാപുരം തുടങ്ങിയ സ്ഥലങ്ങളില്‍ നിന്ന് സ്വര്‍ണവും വീട്ടുസാധനങ്ങളും മോഷ്ടിച്ച് ഗൂഡല്ലൂരില്‍ കൊണ്ടുവന്ന് വില്‍ക്കുന്ന സംഘത്തില്‍പെട്ടവരാണിവര്‍.
തിരിപ്പൂര്‍ പൊലിസില്‍ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് പ്രതികളെ ഗൂഡല്ലൂരില്‍ നിന്ന് അറസ്റ്റ് ചെയ്തത്.
ഇവരില്‍ നിന്ന് ഒന്‍പത് പവന്‍ സ്വര്‍ണം പൊലിസ് പിടിച്ചെടുത്തു.