കൊച്ചി: റെയില്‍വേ ട്രാക്കിലേക്കു വീണ മധ്യവയസ്‌കന്റെ കാലുകളിലൂടെ ട്രെയിന്‍ കയറിയിറങ്ങി. ഗുരുതരമായി പരുക്കേറ്റ കോട്ടയം മുരിക്കുംപുഴ സ്വദേശി സുനില്‍കുമാറി(50)നെ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചു.
ഇന്നലെ രാവിലെ എട്ടോടെ എറണാകുളം നോര്‍ത്ത് റെയില്‍വേ സ്‌റ്റേഷനിലാണു സംഭവം. എറണാകുളം നിലമ്പൂര്‍ പാസഞ്ചര്‍ ട്രെയിന്‍ നോര്‍ത്ത് റെയില്‍വേ സ്‌റ്റേഷനില്‍ എത്തിയപ്പോള്‍ റെയില്‍വേ സ്‌റ്റേഷനിലെ ഒന്നാമത്തെ പ്ലാറ്റ്‌ഫോമില്‍ നില്‍ക്കുകയായിരുന്ന സുനില്‍കുമാര്‍ ട്രാക്കിലേക്കു വീഴുകയായിരുന്നു.