അടിമാലി: വിവിധ ആവശ്യങ്ങള്‍ ഉന്നയിച്ച് ഓട്ടോ -ടാക്‌സി വര്‍ക്കേഴ്‌സ് യൂണിയന്‍ സി.ഐ.ടി.യു വിന്റെ നേതൃത്വത്തില്‍ തൊഴിലാളികള്‍ അടിമാലി ജോയിന്റ് ആര്‍.ടി. ഓഫീസിലേക്ക് മാര്‍ച്ചും ധര്‍ണ്ണയും നടത്തി.
യൂണിയന്‍ ജില്ലാ സെക്രട്ടറി കെ.എന്‍ ശിവന്‍ ഉദ്ഘാടനം ചെയ്തു. ഏരിയാ പ്രസിഡന്റ് കെ.എച്ച് സുല്‍ഫി അധ്യക്ഷത വഹിച്ചു.
കെ.എസ്.കെ.ടി.യു ജില്ലാ സെക്രട്ടറി എം.എന്‍.മോഹനന്‍ , സി.ഐ.ടി.യു ഏരിയാ പ്രസിഡന്റ് എം.കമറുദീന്‍, ആക്ടിംങ് സെക്രട്ടറി സാബു ജയിംസ്, സി.ഡി.ഷാജി , മാത്യു ഫിലിപ്പ് , പി.കെ.ബഷീര്‍ എന്നിവര്‍ സംസാരിച്ചു. ഏരിയാ സെക്രട്ടറി പി.ബി സജീവ് സ്വാഗതവും പ്രതീഷ് ജോണ്‍ നന്ദിയും പറഞ്ഞു.
പെട്രോള്‍,ഡീസല്‍ വിലവര്‍ധനവ് പിന്‍വലിക്കുക,വര്‍ധിപ്പിച്ച ഫീസ് നിരക്കുകള്‍ പിന്‍വലിക്കുക, കേന്ദ്ര സര്‍ക്കാരിന്റെ തെറ്റായ നടപടികള്‍ തിരുത്തുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം .