പാണ്ടിക്കാട്: വണ്ടൂര്‍ റോഡില്‍ കോളനിപ്പടികുഴിക്കാട്ടുപറമ്പ് ജങ്ഷനുകള്‍ക്കിടയില്‍ വാളംകോട് കോളനി റോഡിനു സമീപം കാര്‍ ബൈക്കുകളില്‍ ഇടുച്ചുണ്ടായ അപകടത്തില്‍ യാത്രക്കാര്‍ക്കു പരുക്കേറ്റു. ഇന്നലെ രാവിലെ 7.30ഓയൊണ് അപകടമുണ്ടായത്.
പാണ്ടിക്കാട് ഭാഗത്തുനിന്ന് വണ്ടൂര്‍ ഭാഗത്തേക്കു പോകുകയായിരുന്ന കാര്‍ കൊടശ്ശേരിയില്‍നിന്നു വരികയായിരുന്ന ബൈക്കില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാറിന്റെ മുന്‍വശത്തെ ഗ്ലാസടക്കം തകര്‍ന്നു. ബൈക്കില്‍ സഞ്ചരിച്ചിരുന്ന കൊടശ്ശേരിയിലെ കിണറ്റിങ്ങല്‍ പട്ടാണി ഷൗക്കത്തലിയുടെ മകന്‍ കെ.പി അന്‍വറി (34), കാരായയിലെ പുതുപറമ്പില്‍ പുരുഷോത്തമന്റെ മകനും പാണ്ടിക്കാട് ഹൈസ്‌കൂള്‍ 10ാം ക്ലാസ് വിദ്യാര്‍ഥിയുമായ ശിവപ്രസാദ് (16) എന്നിവര്‍ക്കു പരുക്കേറ്റു. പരുക്കേറ്റവരെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.