ആലത്തൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ ആലത്തൂര്‍ റെയ്ഞ്ച് ഇസ്‌ലാമിക കലാമേള പുതിയങ്കം ഹിദായത്തുല്‍ ഇസ്‌ലാം മദ്‌റസയില്‍ നടന്നു. കാജാ മുഹമ്മദ് ദാരിമി ഉദ്ഘാടനം ചെയ്തു. എസ്. സിദ്ദീഖ് അധ്യക്ഷനായി. സി.എച്ച്. ബഷീര്‍ ഫൈസി, കെ.എം. ബഷീര്‍ ദാരിമി, എം. മുജീബുറഹ്മാന്‍ ഫൈസി, സിദ്ദീഖ് ഫൈസി പങ്കെടുത്തു. ആലത്തൂര്‍ മഅ്ദനുല്‍ ഹിദായ മദ്‌റസ ഓവറോള്‍ ചാംപ്യന്‍ഷിപ്പും, വെങ്ങന്നൂര്‍ ഹിദായത്തുല്‍ ഇസ്‌ലാം മദ്‌റസ രണ്ടാം സ്ഥാനവും കരസ്ഥമാക്കി.
കൂറ്റനാട്: റെയ്ഞ്ച് ഇസ്‌ലാമിക് കലാമേള കോടനാട് സിദ്ധീഖുല്‍ അക്ബര്‍ യതീംഖാനയില്‍ സമാപിച്ചു.
റൈഞ്ച് പ്രസിഡന്റ് ഇഖ്ബാല്‍ അഹ്‌സനി അധ്യക്ഷനായി. സി.പി. നാസര്‍ ഫൈസി ഉദ്ഘാടനം ചെയ്തു. എ.വി ചേക്കു ഹാജി, മൊയ്തുണ്ണി മാസ്റ്റര്‍, കെ.വി. സലാം ഹാജി, കെ.പി കുഞ്ഞാപ്പ ഹാജി പങ്കെടുത്തു. കലാമേളയില്‍ കൂറ്റനാട് ടൗണ്‍  മുനീറുല്‍ ഇസ്‌ലാം മദ്രസ ഒന്നാം സ്ഥാനവും, കോടനാട് ഇര്‍ഷാദുല്‍ ഇസ്‌ലാം രണ്ടാം സ്ഥാനവും, വാവനൂര്‍ റൗളത്തുല്‍ ഉലൂം മദ്‌റസ മൂന്നാം സ്ഥാനവും നേടി.