കൊല്ലങ്കോട്: സമ്പൂര്‍ണ വൈദ്യുതീകരണത്തിന്റെ ഭാഗമായി പയ്യല്ലൂര്‍ ലക്ഷംവീട് കോളനിയിലെ മൂന്ന് വീടുകളില്‍ വൈദ്യുതീകരണം നടത്തി കണക്ഷന്‍ നല്‍കി. ജെയ്ന്‍സ് ഇന്റര്‍നാഷണല്‍ കൊല്ലങ്കോട് ഗ്രൂപ്പിന്റെ നേതൃത്വത്തിലാണ് പിന്നോക്കം നില്‍ക്കുന്ന കുടുംബങ്ങളെ കണ്ടെത്തി വൈദ്യുതീകരണം നടത്തി കൊടുത്തത്.
ലക്ഷംവീട് കോളനി മൂക്കരശന്‍ കോളനി എന്നിവിടങ്ങളിലെ വള്ളി വേലായുധന്‍, രാധിക വേലായുധന്‍, ശെല്‍വന്‍ കൃഷ്ണന്‍ എന്നീ മൂന്ന് കുടുംബങ്ങള്‍ക്ക് വൈദ്യുതി കണക്ഷന്‍ നല്‍കി വെളിച്ചമെത്തിച്ചത്.
വള്ളി വേലായുധന്റെ വീട് ജെയ്ന്‍സ് ഇന്റര്‍നാഷണല്‍ കൊല്ലങ്കോട് ഗ്രൂപ്പ് പ്രസിഡന്റ് വില്‍സണ്‍ ഉദ്ഘാടനം ചെയ്തു. രാധിക വേലായുധന്‍ വീട് കെ.എസ്.ഇ.ബി എ.ഇ. അനീഷ്. ശെല്‍വന്‍ കൃഷ്ണന്റെ വീട് ജെയ്ന്‍സ് ഇന്റര്‍നാഷണല്‍ കേരള തമിഴ്‌നാട് ഫെഡറേഷന്‍ ഓഫിസര്‍ കെ.ജി. പ്രമോദ് ഉദ്ഘാടനം ചെയ്തു.
ചടങ്ങില്‍ ജെയന്‍സ് ഗ്രൂപ്പ് എം. രാധാകൃഷ്ണന്‍  കെ.വി. മോഹന്‍ദാസ്, കെ.എസ്.ഇ.ബി.ഓവര്‍സീയര്‍മാരായ ശെല്‍വകുമാര്‍ ആഷിഖ് അലി സംബന്ധിച്ചു.