തലശ്ശേരി: പൊതു വിദ്യാഭ്യാസ മേഖല സംരക്ഷിക്കാനും ശക്തിപ്പെടുത്താനും സര്‍ക്കാര്‍ നടത്തുന്ന ശ്രമങ്ങള്‍ സ്വാഗതം ചെയ്യുന്നതിനൊപ്പം ഭാഷാധ്യാപകരുള്‍പ്പെടെ ജോലി സംരക്ഷണവുമായ് ബന്ധപ്പെട്ട ആശങ്കകള്‍ പരിഹരിക്കാന്‍ നടപടികള്‍ സ്വീകരിക്കണമെന്ന് കേരള അറബിക് ടീച്ചേര്‍സ് ഫെഡറേഷന്‍ (കെ.എ.ടി.എഫ്) തലശ്ശേരി സൗത്ത് ഉപജില്ലാ സമ്മേളനം ആവശ്യപ്പെട്ടു.
ഫെബ്രുവരി 9,10,11 തീയ്യതികളില്‍ കണ്ണൂരില്‍ നടക്കുന്ന സംസ്ഥാന സമ്മേളനം വിജയിപ്പിക്കാനും യോഗം തീരുമാനിച്ചു. കെ.പി മൊയ്തീന്‍കുട്ടി അധ്യക്ഷനായി. ഇ.സി മുഹമ്മദ് ബഷീര്‍ ഉദ്ഘാടനം ചെയ്തു. സി.പി ഇബ്രാഹിം, കെ.പി ശറഫുദ്ദീന്‍, പി റിയാസ്, കെ റസിയ, എം.കെ മുനീറ, കെ.ശഫീഖ്, പി.കെ ഫൈസല്‍ സംസാരിച്ചു.