ഉരുവച്ചാല്‍: വിദ്യാര്‍ഥിയുടെ സത്യസന്ധതയ്ക്കു അഭിനന്ദന പ്രവാഹം. തില്ലങ്കേരി ആലായാട് യു.പി സ്‌കൂളിലെ ഏഴാംക്ലാസ് വിദ്യാര്‍ഥി കെ.പി മുഹമ്മദ് യാസിനാണ് വിദ്യാര്‍ഥികളുടെയും അധ്യാപകരുടെയും നാട്ടുകാരുടെയും അഭിന്ദന പ്രവാഹമേറ്റുവാങ്ങിയത്. കഴിഞ്ഞ ദിവസം സ്‌കൂളിലേക്ക് പോകും വഴിക്ക്  3.5 പവന്‍ അടങ്ങിയ ബാഗ് റോഡരികില്‍ നിന്ന് കളഞ്ഞു കിട്ടി. തുറന്നുനോക്കിയപ്പോള്‍ സ്വര്‍ണം കണ്ട യാസിന്‍ ഉടനെ സ്‌കൂളിലെത്തി പ്രധാനധ്യാപിക കമലയെ എല്‍പ്പിച്ചു.തുടര്‍ന്ന് ഉടമസ്ഥന്‍ സ്‌കൂളിലെത്തി സ്വര്‍ണം ഏറ്റുവാങ്ങി. മുഹമ്മദ് യാസിനെ സ്‌കൂള്‍ അസംബ്ലിയില്‍ വച്ച് അനുമോദിക്കുകയും ഉപഹാരവും പാരിതോഷികവും നല്‍കുകയും ചെയ്തു. സ്‌കൂളില്‍ നടന്ന പരിപാടിയില്‍ തില്ലങ്കേരി എസ്.കെ.എസ്.എസ്.എഫ് ശാഖ പ്രസിഡണ്ട് മുഹമ്മദ് ഇര്‍ഫാനി ഉപഹാരം നല്‍കി. സ്വര്‍ണത്തിന്റെ ഉടമ ഇബ്രാഹിം പാരിതോഷികവും നല്‍കി.