മാനന്തവാടി: പയ്യമ്പളളി സെന്റ് കാതറിന്‍സ് ഹയര്‍ സെക്കന്‍ഡറി സ്‌കൂള്‍ പ്ലാറ്റിനം ജൂബിലി ആഘോഷം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു.
മാനന്തവാടി രൂപതാ ബിഷപ്പ് മാര്‍ ജോസ് പൊരുന്നേടം അധ്യക്ഷനായി.
സര്‍വിസില്‍ നിന്ന് വിരമിക്കുന്ന അധ്യാപകരായ പി.ജെ ജോസ്, കെ.എം ക്ലാര എന്നിവരെ ഐ.സി ബാലകൃഷ്ണന്‍ എം.എല്‍.എ ആദരിച്ചു. കോര്‍പറേറ്റ് മാനേജര്‍ ഫാ. ബിജു പൊന്‍പാറയ്ക്കല്‍ എന്‍ഡോമെന്റുകള്‍ വിതരണം ചെയ്തു.
മാനന്തവാടി നഗരസഭാ അധ്യക്ഷന്‍ വി.ആര്‍ പ്രവീജ് പ്ലാസ്റ്റിക് വിമുക്ത വിദ്യാലയ പ്രഖ്യാപനം നടത്തി.
പ്രിന്‍സിപ്പല്‍ തോമസ് മാത്യു, പ്രധാനാധ്യാപകന്‍ എം.കെ ജോണ്‍, കെ.യു ചെറിയാന്‍, ജോസ് ഇലഞ്ഞിമറ്റം, ബെന്നി തന്നിട്ടാംമാക്കല്‍, കെ.ജെ ജാക്വിലിന്‍, ലിസി ദേവസ്യ, പ്രിന്‍സ്, സെന്‍സാബു മാര്‍ട്ടിന്‍, കെ.എം ക്ലാര, പി.ജെ ജോസ് എന്നിവര്‍ സംസാരിച്ചു.