കൊണ്ടോട്ടി:നേന്ത്രപ്പഴത്തിനകത്ത് ഒളിപ്പിച്ച് കടത്തിയ 46 ലക്ഷത്തിന്റെ വിദേശ കറന്‍സികളുമായി രണ്ടു യാത്രക്കാരേ കരിപ്പൂര്‍ വിമാനത്താവളത്തില്‍ പിടികൂടി.കണ്ണൂര്‍ മാട്ടൂര്‍ സ്വദേശി റഫീഖ്(26),തലശ്ശേരി രഹീസ്(21)എന്നിവരില്‍ ഡി.ആര്‍.ഐ സംഘം കറന്‍സികള്‍ പിടികൂടിയത്.ലഗേജിലുളള നേന്ത്രപ്പഴത്തിനകത്ത് കറന്‍സികള്‍ ഒളിച്ചിച്ച നിലയിലായിരുന്നു.സൗദി റിയാല്‍,ദുബൈ ദിര്‍ഹം അടക്കം 46 ലക്ഷത്തിന്റെ മൂല്യമുളള കറന്‍സികളാണ് പിടികൂടിയത്.ഇന്‍ഡിഗോ എയറിന്റെയും,സ്‌പൈസ് ജെറ്റിന്റെയും വിമാനത്തില്‍ ദുബൈയിലേക്ക് പോകാനാണ് ഇരുവരും കരിപ്പൂരിലെത്തിയിരുന്നത്. രഹസ്യ വിവരം ലഭിച്ചതിനെ തുടര്‍ന്ന് കോഴിക്കോട് നിന്നെത്തിയ ഡി.ആര്‍.ഐ സംഘം യാത്ര തടഞ്ഞ് പരിശോധിച്ചപ്പോഴാണ് കറന്‍സികള്‍ കണ്ടെത്തിയത്.