കണ്ണൂര്‍: അന്തരിച്ച മുസ്‌ലിം ലീഗ് ദേശീയ അധ്യക്ഷനും മുന്‍ കന്ദ്ര സഹമന്ത്രിയുമായിരുന്ന
ഇ. അഹമദിന്റെ ഭൗതിക ശരീരത്തിനോട അനാദരവ് കാട്ടിയ സംഭവത്തില്‍ കടുത്ത പ്രതിഷേധവും അമര്‍ഷവുമുണ്ടെന്ന് മുസ്‌ലിം ലീഗ് നേതാക്കളായ പി.കെ കുഞ്ഞാലിക്കുട്ടിയും ഇ.ടി മുഹമ്മദ് ബഷീറും പ്രതികരിച്ചു. എന്നാല്‍ പ്രതിഷേധം പരസ്യമായി പ്രകടിപ്പിക്കേണ്ട സമയമല്ല ഇപ്പോള്‍. ഡല്‍ഹിയില്‍ നേതാക്കളുമായി കൂടിയാലോചിച്ച ശേഷം പ്രതിഷേധം ഏത് തരത്തില്‍ വേണമെന്ന് തീരുമാനിക്കുമെന്നും ഇരുവരും മാധ്യമപ്രവര്‍ത്തകരോട് പറഞ്ഞു.