തിരുവനന്തപുരം: മറ്റക്കര ടോംസ് എഞ്ചിനീയറിങ് കോളജിനെതിരെ കടുത്ത നടപടി. അടുത്ത വര്‍ഷം മുതല്‍ ഇവിടെ പ്രവേശനം അനുവദിക്കില്ല. ഇന്നു ചേര്‍ന്ന സാങ്കേതിക സര്‍വ്വകലാശാല എക്‌സിക്യൂട്ടീവ് കമ്മറ്റിയോഗമാണ് കടുത്ത നടപടിയെടുത്തത്.

അക്കാദമിക്, ഭരണതലത്തില്‍ കോളജ് വീഴ്ച്ച വരുത്തിയതായും കമ്മറ്റി വിലയിരുത്തി. ടോംസ് കോളജിനെതിരെ കടുത്ത ആരോപണങ്ങള്‍ ഉയര്‍ന്ന സാഹചര്യത്തിലാണ് ഇനി മുതല്‍ അഫിലിയേഷന്‍ പുതുക്കി നല്‍കേണ്ടതില്ല എന്ന തീരുമാനം സാങ്കേതിക സര്‍വകലാശാല സ്വീകരിച്ചത്.