താമരശേരി: മദ്യവില്‍പ്പന നടത്തുന്നതിനിടെ കൂടത്തായി, അണ്ടോണ ഭാഗങ്ങളില്‍നിന്നു മൂന്നുപേര്‍ പിടിയിലായി. പുപ്പാടി ആനോറമ്മല്‍ രഘു, കൂടത്തായി തവനൂര്‍ ചാലില്‍ ഗോപാലന്‍, അണ്ടോണ പൊയിലങ്ങാടി രാമന്‍കുട്ടി എന്നിവരാണ് പിടിയിലായത്. താമരശേരി എക്‌സൈസ് ഇന്‍സ്‌പെക്ടര്‍ വി.ജെ കുര്യാക്കോസിന്റെ നേതൃത്വത്തിലുള്ള സംഘമാണ് പിടികൂടിയത്.
ഇവരില്‍ നിന്നു പത്തു ലിറ്റര്‍ വിദേശമദ്യവും ആക്ടീവ സ്‌കൂട്ടറും എക്‌സൈസ് സംഘം പിടിച്ചെടുത്തു.
പ്രിവന്റിവ് ഓഫിസര്‍ കെ. ഗിരീഷ്, സിവില്‍ എക്‌സൈസ് ഓഫിസര്‍മാരായ ടി. നൗഫല്‍, സി.ജി ഷാജു, കെ.ജി ജിനീഷ്, കെ. വസന്തന്‍, ശ്യാമപ്രസാദ്, സുബൈര്‍ എന്നിവരടങ്ങിയ സംഘമാണ് പരിശോധന നടത്തിയത്. താമരശേരി ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റിനു മുന്നില്‍ ഹാജരാക്കിയ മൂന്നു പേരെയും 14 ദിവസത്തേക്കു റിമാന്‍ഡ് ചെയ്തു.