കൊല്ലം: കെ.എന്‍ ബാലഗോപാലിനെ സി.പി.എം കൊല്ലം ജില്ലാ സെക്രട്ടറിയായി വീണ്ടും തെരഞ്ഞെടുത്തു. ഇത് രണ്ടാംതവണയാണ് ബാലഗോപാല്‍ ജില്ലാ സെക്രട്ടറിയാകുന്നത്. നിലവിലെ ജില്ലാ കമ്മിറ്റിയില്‍നിന്ന് നാലുപേരെ ഒഴിവാക്കി. ഏഴുപേരെ പുതുതായി ഉള്‍പ്പെടുത്തി. ഇതോടെ അംഗസംഖ്യ 42ല്‍നിന്ന് 45 ആയി ഉയര്‍ന്നു.
ജില്ലാ സമ്മേളന പ്രതിനിധികള്‍ ഏകകണ്ഠമായി നിര്‍ദേശിച്ചതിന്റെ അടിസ്ഥാനത്തിലാണ് ബാലഗോപാലിനെ ജില്ലാ സെക്രട്ടറിയായി തെരഞ്ഞെടുത്തത്. സി. തങ്കപ്പന്‍, തുളസീധരന്‍, ശശീന്ദ്രന്‍, അജയന്‍ എന്നിവരെയാണ് ജില്ലാ കമ്മിറ്റിയില്‍നിന്ന് ഒഴിവാക്കിയത്.
എ.എന്‍ ഇഖ്ബാല്‍, തങ്കപ്പന്‍ പിള്ള, ആര്‍. സന്തോഷ്, രാധാമണി, ജഗദീശന്‍, ജി. സുന്ദരേശന്‍, ആര്‍. ബിജു എന്നിവരെയാണ് പുതുതായി ഉള്‍പ്പെടുത്തിയത്.