പനമരം: പനമരം ബ്ലോക്ക് പഞ്ചായത്ത് പാക്കം ഡിവിഷന്‍ ഉപതെരഞ്ഞെടുപ്പിനുള്ള ആദ്യ നാമനിര്‍ദേശ പത്രിക സമര്‍പ്പിച്ചു.
യു.ഡി.എഫ് സ്ഥാനാര്‍ഥി മണി ഇല്ല്യമ്പമാണ് ബ്ലോക്ക് അസിസ്റ്റന്റ് ഓഫിസര്‍ ഗണേഷിന് നാമ നിര്‍ദേശ പത്രിക സമര്‍പ്പിച്ചത്. ഇന്നാണ് പത്രിക സമര്‍പ്പിക്കാനുള്ള അവസാന തിയതി.
എല്‍.ഡി.എഫ്, ബി.ജെ.പി സ്ഥാനാര്‍ഥികള്‍ ഇന്ന് നാമനിര്‍ദേശ പത്രിക സമര്‍പ്പിക്കും. തെരഞ്ഞെടുപ്പ് പ്രഖ്യാപിച്ചതു മുതല്‍ തന്നെ ഡിവിഷനില്‍ പ്രചാരണം ശക്തമാണ്. കഴിഞ്ഞ തവണ യു.ഡി.എഫിനായിരുന്നു വിജയം.
എന്നാല്‍ 51 വോട്ടിന്റെ ഭൂരിപക്ഷം മാത്രമാണുണ്ടായിരുന്നത്. ഇതോടെ പാക്കം ഡിവിഷന്‍ പിടിക്കാനുള്ള അണിയറ നീക്കളില്‍ സജീവമാണ് ഇടതുപക്ഷവും ബി.ജെ.പിയും.