കൊച്ചി: മദ്യപിച്ച് സ്‌കൂള്‍ ബസ് ഓടിച്ച 25 ഡ്രൈവര്‍മാര്‍ പിടിയില്‍. എറണാകുളം, കോട്ടയം,ഇടുക്കി, ആലപ്പുഴ, തൃശൂര്‍ എന്നീ ജില്ലകള്‍ കേന്ദ്രീകരിച്ച് നടത്തിയ പരിശോധയിലാണ് ഇവര്‍ പിടിയിലായത്. വെള്ളിയാഴ്ച രാവിടെ എറണാകുളം റേഞ്ച് ഐ.ജി പി വിജയന്റെ നിര്‍ദ്ദേശ പ്രകാരമായിരുന്നു പരിശോധന.
വാഹനാപകടങ്ങള്‍ കൂടുന്ന സാഹചര്യത്തില്‍ പൊലിസ് പ്രത്യേക പരിശോധന നടത്തി വരികയായിരുന്നു. ഇതിന്റെ ഭാഗമായി വെള്ളിയാഴ്ച സ്‌കൂള്‍ ബസുകള്‍ മാത്രമാണ് പരിശോധന നടത്തിയത്.