അരൂര്‍: ശക്തമായ വേലിയേറ്റം മൂലം തീരദേശത്തെ നിരവധി കുടുമ്പങ്ങള്‍ ദുരിത കെടുതിയിലായി.
മൂന്നു ദിവസമായി വേലിയിറക്കം നിലച്ചതിനാല്‍ അരൂര്‍ എഴുപുന്ന കോടംതുരുത്ത് പഞ്ചായത്തുകളിലെ മുന്നൂറോളം കുടുംബങ്ങളാണ് ഓരുവെള്ളകെടുതി അനുഭവിക്കുന്നത.്
ഒഴുകിയെത്തുന്ന മാലിന്യങ്ങള്‍ പുരയിടത്തില്‍ തന്നെ കെട്ടിക്കിടന്നു അസഖ്യമായ ദുര്‍ഗന്ധവും ആരോഗ്യ പ്രശ്‌നങ്ങളും ഉണ്ടാക്കുന്നുണ്ട്. തീരദേശം ഇടിയുന്നതും കൈതപ്പുഴ കായലിലെ ആഴകുറവുമാണ് വേലിയേറ്റം ശക്തമാകാന്‍ കാരണമെന്ന് തീരവാസികള്‍ പറഞ്ഞു.
വെള്ളകെടുതി മൂലം ദുരിതമനുഭവിക്കുന്ന കുടുംബങ്ങള്‍ക്ക് അടിയന്തിര സഹായങ്ങള്‍ ചെയ്യുവാന്‍ തൃതല പഞ്ചായത്തുകള്‍ നടപടി സ്വീകരിക്കണമെന്ന് ഭാരതീയ ദലിത് കോണ്‍ഗ്രസ് ജില്ലാ കമ്മിറ്റി ആവശ്യപ്പെട്ടു.