മാന്നാര്‍: പരുമല ദേവസ്വം ബോര്‍ഡ് പമ്പാ കോളജിലെ സുവര്‍ണ ജൂബിലിയോടനുബന്ധിച്ച് നടക്കുന്ന മേളകള്‍ ഒരുവര്‍ഷം നീണ്ട് നില്‍ക്കും. ഇതിനായി ജൂബിലി കമ്മിറ്റിയെ തെരഞ്ഞടുത്തു.
രക്ഷാധികാരികള്‍ പ്രൊഫ. പി.ജെ.കുര്യന്‍ എം.പി, ദേവസ്വം മിനിസ്‌ററര്‍ കടകംപള്ളി സുരേന്ദ്രന്‍, മന്ത്രി മാത്യു ടി. തോമസ്, ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലക്യഷ്ണന്‍, മെമ്പര്‍മാരായ അജയ് തറയില്‍, കെ.രാഘവന്‍, കമ്മിറ്റി ചെയര്‍മാന്‍മാര്‍ പ്രിന്‍സിപ്പാല്‍ ഡോ.എസ്. ജോയ്, ഡോ.വി. പ്രകാശ്, വൈസ് ചെയര്‍മാന്‍മാരായി കൊടിക്കുന്നില്‍ സുരേഷ് എം.പി, കെ.കെ.രാമചന്ദ്രന്‍ നായര്‍ എം.എല്‍.എ, കടപ്ര പഞ്ചായത്ത് പ്രസിഡന്റ് ഷിബു വര്‍ഗീസ്, പ്രൊഫ.സി.പി. രാമചന്ദ്രന്‍ നായര്‍, പ്രൊഫ. അലോഷ്യസ് ലോപ്പസ്, പ്രൊഫ.സതീഷ് കൊച്ചുപറമ്പില്‍ എന്നിവരെ തെരഞ്ഞെടുത്തു.
ദേവസ്വം ബോര്‍ഡ് മെമ്പര്‍ അജയ് തറയില്‍ അധ്യക്ഷത വഹിച്ച ചടങ്ങില്‍ ഒന്നാം റാങ്ക് ജേതാവായ പമ്പാ കോലജിലെ സുവോളജി വിഭാഗം വിദ്യാര്‍ഥിയായിരുന്ന അഭിജിത്ത് ആര്‍.എസ്‌ന് മന്നത്ത് പത്മനാഭന്‍ അവാര്‍ഡ് ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലക്യഷ്ണന്‍ നല്‍കി ആദരിച്ചു.