ബദിയഡുക്ക: ബസ് കാറിലിടിച്ചു നവദമ്പതികള്‍ക്കു പരുക്ക്. പെര്‍ള ചെക്ക് പോസ്റ്റിനു സമീപം അബ്ദുല്‍ മുനീര്‍ (28), ഭാര്യ സഫീല (20)എന്നിവര്‍ക്കാണു പരുക്കേറ്റത്.
ഒരാഴ്ച മുമ്പ് വിവാഹിതരായ ഇരുവരും ബന്ധുവിന്റെ വീട്ടില്‍ വിരുന്നു സല്‍ക്കാരത്തിനായി കാസര്‍കോട് ഭാഗത്തേക്കു പോകുന്നതിനിടെ ഉക്കിനഡുക്ക സമീപം കെദുമൂല വളവില്‍ പുത്തൂരിലേക്കു പോവുകയായിരുന്ന കര്‍ണാടക എസ്.ആര്‍.ടി.സി ബസുമായി കാര്‍ കൂട്ടിയിടിക്കുകയായിരുന്നു.
ഇരുവരെയും മംഗളൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചു. സഫീലയുടെ പരുക്ക് ഗുരുതരമാണ്.