പാലക്കാട്: ജംഗ്ഷന്‍ റെയില്‍വേ സ്റ്റേഷനിലെ പ്‌ളാറ്റ് ഫോമുകളില്‍ നടക്കുന്ന നവീകരണ പ്രവര്‍ത്തനത്തിന്റെ ഭാഗമായുള്ള ട്രെയിന്‍ ഗതാഗത നിയന്ത്രണം ഇന്നും തുടരുമെന്ന് ഡിവിഷന്‍ അധികൃതര്‍ അറിയിച്ചു. ജൂണ്‍ അഞ്ചുവരെയാണ് ഗതാഗത നിയന്ത്രണം നിലവിലുണ്ടാകുക. ഇന്ന് റദ്ദാക്കിയതും ഭാഗികമായി സര്‍വീസ് മുടങ്ങുന്നതും വൈകിയോടുന്നതുമായ ട്രെയിനുകളുടെ വിവരം താഴെ കൊടുക്കുന്നു.
റദ്ദാക്കിയവ: 6660666607 പാലക്കാട് ടൗണ്‍ കോയമ്പത്തൂര്‍ പാലക്കാട് ടൗണ്‍ മെമു, 6660566604 കോയമ്പത്തൂര്‍? ഷൊര്‍ണൂര്‍ കോയമ്പത്തൂര്‍ മെമു. ഭാഗികമായി റദ്ദാക്കിയവ: 56650 കണ്ണൂര്‍ കോയമ്പത്തൂര്‍ ഫാസ്റ്റ് പാസഞ്ചര്‍ ഷൊര്‍ണൂരിനും കോയമ്പത്തൂരിനും ഇടയില്‍ സര്‍വീസ് നടത്തില്ല. 56651 കോയമ്പത്തൂര്‍ കണ്ണൂര്‍ ഫാസ്റ്റ് പാസഞ്ചര്‍ ഷൊര്‍ണൂരില്‍ നിന്നായിരിക്കും യാത്ര ആരംഭിക്കുക. 56323 കോയമ്പത്തൂര്‍ മാംഗ്‌ളൂര്‍ ഫാസ്റ്റ് പാസഞ്ചര്‍ കോയമ്പത്തൂരിനും കോഴിക്കോടിനും ഇടയില്‍ സര്‍വീസ് നടത്തില്ല. 56324 മാംഗ്‌ളൂര്‍ കോയമ്പത്തൂര്‍ ഫാസ്റ്റ് പാസഞ്ചര്‍ കോഴിക്കോട് യാത്ര അവസാനിപ്പിക്കും. 66608 പാലക്കാട് ടൗണ്‍ ഈറോഡ് മെമു പാലക്കാടിനും കോയമ്പത്തൂരിനും ഇടയില്‍ ഓടില്ല. 66609 ഇറോഡ് പാലക്കാട് മെമു കോയമ്പത്തൂരില്‍ യാത്ര അവസാനിപ്പിക്കും. 56604 ഷൊര്‍ണൂര്‍ കോയമ്പത്തൂര്‍ പാസഞ്ചര്‍ പാലക്കാട് യാത്ര അവസാനിപ്പിക്കും. 56605 കോയമ്പത്തൂര്‍ തൃശൂര്‍ പാസഞ്ചര്‍ പാലക്കാട് നിന്നായിരിക്കും പുറപ്പെടുക. വൈകിയോടുന്നവ: 66611 പാലക്കാട് എറണാകുളം മെമു പാലക്കാട് ജംഗ്ഷനും പറളിക്കും ഇടയില്‍ 40 മിനിട്ട് വൈകും. 12511 ഖൊരക്പൂര്‍ തിരുവനന്തപുരം രപ്തിസാഗര്‍ സൂപ്പര്‍ഫാസ്റ്റ് കഞ്ചിക്കോടിനും പറളിക്കും ഇടയില്‍ 70 മിനിട്ട് വൈകും. 17230 ഹൈദരാബാദ് കൊച്ചുവേളി ശബരി എക്‌സ്പ്രസ് പാലക്കാടിനും പറളിക്കും ഇടയില്‍ 60 മിനിട്ട് വൈകും.