പട്ടാമ്പി: തൃത്താല ബ്ലോക്ക് പരിധിയില്‍ പ്രവര്‍ത്തിക്കുന്ന മികച്ച ഗ്രന്ഥശാലയായി പെരിങ്ങോട് യൂത്ത് ലൈബ്രറിയെയും മികച്ച ലൈബ്രേറിയനായി തിരുമിറ്റക്കോട് രാജന്‍ബാബു മെമ്മോറിയല്‍ വായനശാലയിലെ ടി.പി രമയെയും തെരഞ്ഞെടുത്തു.
ആലൂര്‍ ഒരുമയും യുവജന വായനശാലയും സംയുക്തമായി ഏര്‍പ്പെടുത്തിയ രണ്ടാമത് വി.വി മാധവന്‍ സ്മാരക പുരസ്‌കാരത്തിനാണ് ഇവര്‍ അര്‍ഹരായത്.വൈവിധ്യമാര്‍ന്ന പ്രവര്‍ത്തനങ്ങള്‍ ഏറ്റെടുത്തു നടത്തിയതിന്റെ അടിസ്ഥാനത്തിലാണ് പെരിങ്ങോട് യൂത്ത് ലൈബ്രറിക്ക് 11111 രൂപയും പ്രശസ്തി പത്രവും അടങ്ങുന്ന അവാര്‍ഡ് നല്‍കുന്നത്.
മൂന്നംഗ ജൂറിയുടെ നേതൃത്വത്തിലായിരുന്നു അര്‍ഹരായവരെ തെരഞ്ഞെടുത്തത്. നാളെ രണ്ട് മണിക്ക് ആലൂര്‍ ജി.എല്‍.പി സ്‌കൂളില്‍ നടക്കുന്ന ചടങ്ങില്‍ അവാര്‍ഡ് വിതരണം ചെയ്യും. വാര്‍ഷികത്തോടനുബന്ധിച്ച് എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികളെ ആദരിക്കലും ഒരുമ സ്‌കോ ളര്‍ഷിപ്പ്  വിതരണവും നടത്തും. വിവിധ മേഖലകളില്‍ പുരസ്‌കാരങ്ങള്‍ക്ക് അര്‍ഹരായവരെ ചടങ്ങില്‍ ആദരിക്കും. ചടങ്ങിന്റെ ഉദ്ഘാടനം വി.ടി ബല്‍റാം എം.എല്‍.എ നിര്‍വഹിക്കും.