പരപ്പനങ്ങാടി: ഒറ്റ പേന കൊണ്ട് അധ്യായന വര്‍ഷം മുഴുവന്‍ പൂര്‍ത്തിയാക്കാനുള്ള പരപ്പനങ്ങാടി ടൗണ്‍ ജി.എം. എല്‍ പി സ്‌ക്കൂള്‍ പി. ടി.എ. കമ്മിറ്റി യുടെ തീരുമാനത്തിന് പരക്കെ അഭിനന്ദനം. മഷി തീര്‍ന്നാല്‍ മണ്ണിലേക്ക് വലിച്ചെറിയുന്ന പേനകള്‍ താഴെ വെച്ച് ഇനി മുതല്‍ മഷി മാറി മാറി ഉപയോഗിക്കുന്ന പദ്ധതി സ്‌ക്കൂളിലെ പൂര്‍വ വിദ്യാര്‍ഥിയും നഗരസഭ വാര്‍ഡ് കൗണ്‍സിലറുമായ കടവത്ത് സെയ്തലവി ഏറ്റെടുത്തു . വിദ്യാലയത്തിലെ പേന ഉപയോഗിക്കുന്ന നൂറ്റി പത്ത് വിദ്യാര്‍ഥികള്‍ക്കും മഷിപേന തന്റെ വകയായി സൗജന്യമായി നല്‍കുമെന്ന് സ്‌ക്കൂളില്‍ നടന്ന ഹരിതപക്ഷ പരിപാടിയില്‍ കൗണ്‍സിലര്‍ ഉറപ്പു നല്‍കി. പി.ടി. എ പ്രസിഡന്റ് കോയ അധ്യക്ഷനായി .കഥാകൃത്ത് റഷീദ് പരപ്പനങ്ങാടി മുഖ്യ പ്രഭാഷണം നടത്തി.