കുന്നംകുളം: യേശുദാസ് റോഡില്‍ വെച്ച് യുവാക്കള്‍ തമ്മില്‍ ഏറ്റുമുട്ടി എട്ട് പേര്‍ക്ക് പരുക്ക്. പരുക്കേറ്റവര്‍ കുന്നംകുളത്ത് സ്വകാര്യ ആശുപത്രിയില്‍ ചികിത്സ തേടി. കാണിപ്പയ്യൂര്‍ സ്വദേശികളായ സുജിത്ത്, റെനീഷ്, അദീപ് എന്നിവര്‍ക്കും കക്കാട് സ്വദേശികളായ ശ്രീരാഗം, ലിജിന്‍, സനൂപ് , ദീപക്, അശ്വിന്‍ എന്നിവര്‍ക്കുമാണ് പരുക്കേറ്റത്. കാണിപ്പയ്യൂര്‍ സ്വദേശികളായ യുവാക്കള്‍ യേശുദാസ് റോഡിലൂടെ ബൈക്കില്‍ യാത്ര ചെയ്യുമ്പോള്‍ തടഞ്ഞതാണ് സംഘട്ടത്തിന് കാരണം. ചികിത്സ തേടിയ യുവാക്കള്‍ ഡിസ്ചാര്‍ജ് വാങ്ങി പോയതായി ആശുപത്രി അധികൃതര്‍ പറഞ്ഞു.