കൊല്ലം: ജവഹര്‍ലാല്‍ നെഹ്‌റുവിന്റെ സോഷ്യലിസ്റ്റ്, ജനാധിപത്യ, മതേതര ചിന്തകള്‍ക്ക് കാലിക പ്രസക്തി വര്‍ധിച്ചിരിക്കുകയാണെന്ന് ഗാന്ധിയന്‍ ചൂളൂര്‍ ഭാസ്‌കരന്‍ നായര്‍. രാജ്യത്തിന്റെ ഫെഡറല്‍ സംവിധാനം നിലനിര്‍ത്താന്‍ നെഹ്‌റു കാണിച്ച പാത ഇന്നത്തെ നേതാക്കള്‍ പിന്തുടരണമെന്നും അദ്ദേഹം പറഞ്ഞു. പണ്ഡിറ്റ്ജി നാഷണല്‍ ഫൗണ്ടേഷന്റെ ആഭിമുഖ്യത്തില്‍ സംഘടിപ്പിച്ച നെഹ്‌റു അനുസ്മരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഫൗണ്ടേഷന്‍ ചെയര്‍മാന്‍ ഡി ഗീതാകൃഷ്ണന്റെ അധ്യക്ഷനായി.