മെല്‍ബണ്‍: നായകന്‍ വിരാട് കോഹ്‌ലിയായിരിക്കും ആസ്‌ത്രേലിയയുടെ ഒന്നാമത്തെ പ്രതിയോഗിയെന്ന് ഇന്ത്യന്‍ പര്യടനത്തിനൊരുങ്ങുന്ന ഓസീസ് ടീമിനു മുന്‍ താരം മൈക്കല്‍ ഹസ്സിയുടെ മുന്നറിയിപ്പ്. എതിര്‍ ടീമംഗങ്ങളെ ചീത്ത പറയുന്ന (സ്ലഡ്ജിങ്) ഓസീസ് രീതി കോഹ്‌ലിക്കും കൂട്ടര്‍ക്കുമെതിരേ പുറത്തെടുക്കരുതെന്നും സ്ലഡ്ജിങ് നടത്തിയാല്‍ അതു കോഹ്‌ലിക്ക് കൂടുതല്‍ കരുത്തു പകരാനെ ഉപകരിക്കൂവെന്നും ഹസ്സി പറയുന്നു. സ്റ്റീവന്‍ സ്മിത്തിനും കൂട്ടര്‍ക്കും എല്ലാ തരത്തിലും ഒരു തികഞ്ഞ പ്രതിയോഗിയാണ് കോഹ്‌ലി. കോഹ്‌ലിക്കെതിരേ കളിക്കുന്നത് താനാണെങ്കില്‍ ഒരിക്കലും പ്രകോപിപ്പിക്കാന്‍ നില്‍ക്കില്ലെന്നും ഇന്ത്യക്കെതിരേ കൃത്യമായ ആസൂത്രണത്തോടെ കളിക്കുകയാണു വേണ്ടതെന്നും ഹസ്സി വ്യക്താമാക്കി.