തിരുവനന്തപുരം: കേരള സഹൃദയ വേദിയുടെ സമഗ്രസംഭാവന പുരസ്‌കാരം ഇബ്രാഹിം ഹാജിക്കും പി അബ്ദുല്‍ ഹമീദിനും. വിവിധ മേഖലകളില്‍ സ്തുത്യര്‍ഹമായ സേവനം നടത്തിയിട്ടുള്ളവര്‍ക്ക് അച്ചീവ്‌മെന്റ് അവാര്‍ഡുകള്‍ സഹൃദയ വേദി പ്രസിഡന്റ് ചാന്നങ്കര എം.പി കുഞ്ഞാണ് പ്രഖ്യാപിച്ചത്. എന്‍.ആര്‍.ഐ ബിസിനസ് ആന്‍ഡ് ചാരിറ്റി അവാര്‍ഡിനാണ് ഒമാനിലെ വിവിധ കേന്ദ്രങ്ങളിലായി പ്രവര്‍ത്തിക്കുന്ന കിഴക്കേടത്തില്‍ ഗ്രൂപ്പ് ഓഫ് കമ്പനീസ് ചെയര്‍മാന്‍ തിരൂര്‍ ഇബ്രാഹിം ഹാജിയെ തിരഞ്ഞെടുത്തത്. മികച്ച സഹകാരിക്കുള്ള പുരസ്‌കാരത്തിനാണ് പി അബ്ദുല്‍ ഹമീദ് അര്‍ഹനായത്. കോര്‍ഡോണ്‍ സി.ഇ.ഒ അരുണ്‍ ഉണ്ണിത്താന്‍ (പ്രോപ്പര്‍ട്ടി ഡെവലപ്‌മെന്റ്), എം.വി സനല്‍കുമാര്‍ (ഫൈനാന്‍ഷ്യല്‍ മാനേജ്‌മെന്റ്), രാജീവ് ജോസഫ് (മറുനാടന്‍ മലയാളി), തിരുവനന്തപുരം ആയുര്‍വേദ കോളജിലെ ആര്‍.എം.ഒ ഡോ. എസ് ഗോപകുമാര്‍ (ആയുര്‍വേദ ഗവേഷണം) എന്നിവരും വിവിധ പുരസ്‌കാരങ്ങള്‍ക്ക് അര്‍ഹരായി