പൊട്ടച്ചിറ: വൈജ്ഞാനിക സപര്യയില്‍ നാലരപ്പതിറ്റാണ്ട് പൂര്‍ത്തിയാക്കിയ അന്‍വരിയ്യ അറബിക് കോളജിന്റെ 47ാം വാര്‍ഷിക സനദ്ദാന സമ്മേളനത്തിനും ആണ്ടുനേര്‍ച്ചക്കും ഉജ്ജ്വല തുടക്കം. ഖാസി സി. മുഹമ്മദ് മുസ്‌ലിയാര്‍ പതാക ഉയര്‍ത്തി. സി.ടി യൂസുഫ് മുസ്‌ലിയാര്‍ സമൂഹ സിയാറത്തിന് നേതൃത്വം നല്‍കി. വൈകിട്ട് നടന്ന മജ്‌ലിസുന്നൂര്‍ ആത്മീയ സദസിന് സയ്യിദ് ഇമ്പിച്ചിക്കോയ തങ്ങള്‍ പഴയലക്കിടി നേതൃത്വം നല്‍കി. ജി.എം സ്വലാഹുദ്ദീന്‍ ഫൈസി വല്ലപ്പുഴ ഉദ്‌ബോദനം നടത്തി. അബ്ദുറഹ്മാന്‍ ജിഫ്‌രി തങ്ങള്‍, ശിഹാബുദ്ദീന്‍ തങ്ങള്‍ വല്ലപ്പുഴ,ടി.പി മുഹമ്മദ് മുസ്‌ലിയാര്‍,അലവി ഫൈസി കുളപ്പറമ്പ്, കൊളത്തൂര്‍ കുഞ്ഞിമുഹമ്മദ് ഫൈസി,മൈത്ര അബൂബക്കര്‍ ബാഖവി ,അബ്ബാസ് മളാഹിരി, ഖാജാ ദാരിമി, കെല്ല മുഹമ്മദ് ഹാജി,സുലൈമാന്‍ ഹാജി, മുഹമ്മദലി അന്‍വരി, അശ്‌റഫ് അന്‍വരി,കുഴിപ്പുറത്ത് അബു,ഹമീദ് അന്‍വരി, റസാഖ് വാഫി,സുബൈര്‍ അന്‍വരി, ഹാശിര്‍ വാഫി, അന്‍സാര്‍ അന്‍വരി,സുഹൈല്‍ ദാരിമി,കബീര്‍ ദാരിമി,ശുകൂര്‍ അന്‍വരി,റഫീഖ് മാസ്റ്റര്‍ സംബന്ധിച്ചു.
ഇന്ന് വൈകിട്ട് ഏഴിന് നൗഷാദ് ബാഖവി ചിറയിന്‍കീഴ് മുഖ്യപ്രഭാഷണം നിര്‍വഹിക്കും. കമ്പംതൊടി മുഹമ്മദ് മുസ്‌ലിയാര്‍ പ്രാര്‍ഥന നടത്തും. സി.ടി യൂസുഫ് മുസ്‌ലിയാര്‍ അധ്യക്ഷനാകും. കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്യും. ഞായറാഴ്ച രാവിലെ 10ന് നടക്കുന്ന കുടുംബ സംഗമത്തില്‍ ഡോ.സാലിം ഫൈസി കുളത്തൂര്‍ ക്ലാസെടുക്കും. ഉച്ചയ്ക്ക് രണ്ടിന് ആലിയ സംഗമം നടക്കും. നല്ല പ്രബോധകന്‍ എന്ന വിഷയത്തില്‍ റഹ്മത്തുല്ല ഖാസിമി മൂത്തേടം ക്ലാസെടുക്കും. അബ്ദുല്‍ ഗഫൂര്‍ അന്‍വരി മൂതൂര്‍ ഉദ്ഘാടനം ചെയ്യും.
വൈകിട്ട് ഏഴിന് നടക്കുന്ന സനദ്ദാന മഹാസമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.സയ്യിദ് ജിഫ്‌രി മുത്തുക്കോയ തങ്ങള്‍ പ്രാര്‍ഥന നിര്‍വഹിക്കും. പ്രൊ. കെ. ആലിക്കുട്ടി മുസ്‌ലിയാര്‍ അധ്യക്ഷനാകും. എം.ടി അബ്ദുല്ല മുസ്‌ലിയാര്‍ സനദ്ദാന പ്രസംഗം നിര്‍വഹിക്കും. നൗഷാദ് ബാഖവി മുഖ്യപ്രഭാഷണം നിര്‍വഹിക്കും.
ദുആ സമ്മേളനത്തിന് ഏലംകുളം ബാപ്പു മുസ്‌ലിയാര്‍ നേതൃത്വം നല്‍കും. സി.കെ.എം സ്വാദിഖ് മുസ്‌ലിയാര്‍,സി.ടി യൂസുഫ് മുസ്‌ലിയാര്‍, കാപ്പില്‍ വി.ഉമര്‍ മുസ്‌ലിയാര്‍, കെ.പി.സി തങ്ങള്‍ വല്ലപ്പുഴ, ഡോ. ബഹാഉദ്ദീന്‍ മുഹമ്മദ് നദ്‌വി, നെല്ലായ കുഞ്ഞിമുഹമ്മദ് മുസ്‌ലിയാര്‍,പി.കുഞ്ഞാണി മുസ്‌ലിയാര്‍, ആദൃശ്ശേരി ഹംസക്കുട്ടി മുസ്‌ലിയാര്‍, അഡ്വ. എന്‍. ശംസുദ്ദീന്‍ എം.എല്‍.എ, മഞ്ഞളാംകുഴി അലി എം.എല്‍.എ, സി.എം.എ കരീം,ഒ.കെ മൊയ്തു സംബന്ധിക്കും.