പടിഞ്ഞാറത്തറ: പുതിയ തലമുറക്ക് തിരുസുന്നത്തുകളെ പരിചയപ്പെടുത്തുകയെന്ന ലക്ഷ്യത്താല്‍ കേരളത്തില്‍ പതിനാല് ജില്ലകളിലും എസ്.കെ.എസ്.എസ്.എഫ് സംഘടിപ്പിക്കുന്ന മദീനാപാഷന്റെ ഭാഗമായി ഞായറാഴ്ച നടക്കുന്ന ഗൃഹസന്ദര്‍ശനവും ഫണ്ട് ശേഖരണവും വിജയിപ്പിക്കണമെന്ന് സംസ്ഥാന പ്രസിഡന്റ് പാണക്കാട് ഹമീദലി ശിഹാബ് തങ്ങള്‍ അഭ്യര്‍ഥിച്ചു. ജില്ലയില്‍ നടക്കുന്ന സമ്മേളനം വിജയിപ്പിക്കാനാവശ്യമായ എല്ലാ സഹായങ്ങളും മുഴുവന്‍ ഉസ്താദുമാരും മഹല്ല് കമ്മിറ്റി ഭാരവാഹികളൂം ചെയ്തു കൊടുക്കണമെന്നും തങ്ങള്‍ അഭ്യര്‍ഥിച്ചു. ഗൃഹസന്ദര്‍ശനത്തില്‍ വിതരണം ചെയ്യേണ്ട ലഘുലേഖയുടെ പ്രകാശന കര്‍മം തങ്ങള്‍ നിര്‍വഹിച്ചു. സമസ്ത ജില്ലാ പ്രസിഡന്റ് കെ.ടി ഹംസ മുസ്്‌ലിയാര്‍ ഇബ്‌റാഹീം ഫൈസി പേരാല്‍, സി.പി ഹാരിസ് ബാഖവി, അലി യമാനി, മൊയ്തൂട്ടി യമാനി, കെ ഹാരിസ് പടിഞ്ഞാറത്തറ, അബ്ദുല്‍ ലത്തീഫ് വാഫി എന്നിവര്‍ പങ്കെടുത്തു.