പുലാമന്തോള്‍: സ്‌കൂള്‍ പഠനത്തിനു പുറമെ വരുംതലമുറകളെ കൃഷികളിലേക്ക് ആകര്‍ഷിപ്പിച്ച പുലാമന്തോള്‍ സ്വദേശിയും പുലാമന്തോള്‍ ഗവ. ഹൈസ്‌കൂളിലെ ഏഴാം തരം വിദ്യാര്‍ഥിയുമായ ചോലപറമ്പത്ത് അഭിലാലിന് പുരസ്‌കാരം. എസ്.ഡി ഫൗണ്ടേഷന്റെ അക്ഷയ ശ്രീ പ്രത്യേക അവാര്‍ഡാണ് ഈ കൊച്ചുകര്‍ഷകനെ തേടിയെത്തിയത്. പയറിനു പുറമെ, വെണ്ട, വഴുതനങ്ങ, തക്കാളി എന്നിവരും അഭിലാലിന്റെ ജൈവ പച്ചക്കറി കൃഷി തോട്ടത്തിലുണ്ട്. അന്താരാഷ്ട്ര പയര്‍ വര്‍ഷത്തിലാണ് അഭിലാല്‍ ഈ കൃഷികളെല്ലാം ചെയ്‌തെടുത്തത്. കൃഷികള്‍ക്കെല്ലാം നൂറുമേനി വിളവും ലഭിച്ചു. മാര്‍ച്ച് 12ന് ആലപ്പുഴ മുഹമ്മയില്‍ നടക്കുന്ന ചടങ്ങില്‍ 15000 രൂപയും ഫലകവും പ്രശസ്തി പത്രവും അഭിലാല്‍ ഏറ്റുവാങ്ങും. നിരവധി പുരസ്‌കാരങ്ങളുടെ ഉടമയും കരനെല്‍ കൃഷിയിലൂടെ പ്രസിദ്ധനുമായ കര്‍ഷക ഗവേഷകന്‍ ശശിധരന്റെ മകനാണ് അഭിലാല്‍.