കോട്ടക്കല്‍: സംസ്ഥാനത്തെ പ്രൊഫഷണല്‍ കോളജുകള്‍ ഉള്‍പ്പെടെയുള്ള ഭൗതിക കാംപസുകളില്‍ പഠിച്ചു കൊണ്ടിരിക്കുന്ന പെണ്‍കുട്ടികള്‍ക്ക് വേണ്ടി ഏകദിന മതപഠന ക്യാംപ് സംഘടിപ്പിക്കുന്നു. നാളെ രാവിലെ 8.30 മുതല്‍ വൈകീട്ട് 4.30 വരെ കോട്ടക്കല്‍ ചങ്കുവെട്ടിയിലുള്ള ഡി ഗ്രാന്റ് കണ്‍വന്‍ഷന്‍ സെന്ററിലാണ് ക്യാംപ് നടക്കുന്നത്. പാണക്കാട് സയ്യിദ് മുനവ്വര്‍ അലി ശിഹാബ് തങ്ങള്‍, റഹ്മത്തുല്ലാഹ് ഖാസിമി മൂത്തേടം, ആസിഫ് ദാരിമി പുളിക്കല്‍, ഹൈദരലി വാഫി, ഹസന്‍ സഖാഫി പൂക്കോട്ടൂര്‍ തുടങ്ങിയ പണ്ഡിതന്‍മാരും സയ്യിദത്ത് ഹനിയ ബീവി പാണക്കാട്, പ്രമുഖ സൈക്യാട്രിസ്റ്റ് സുഹ്‌റാബി ടീച്ചര്‍, സ്‌ട്രൈറ്റ് പാത്ത് ഇന്റര്‍നാഷണല്‍ സ്‌കൂള്‍ ഫാക്കല്‍റ്റി സന ടീച്ചര്‍ തുടങ്ങിയ വിശിഷ്ട വ്യക്തിത്വങ്ങളും വിവിധ സെഷനുകളിലായി വിദ്യാര്‍ഥിനികള്‍ക്ക് ക്ലാസെടുക്കും.
മാലപ്പാട്ട് ആലാപനവും മജ്‌ലിസുന്നൂര്‍ പാരായണവും ദുആ സദസും ക്യാംപില്‍ നടക്കും. പങ്കെടുക്കാന്‍ താല്‍പര്യമുള്ള പ്ലസ്ടുവിന് മുകളില്‍ പഠിക്കുന്ന പെണ്‍കുട്ടികള്‍ മുന്‍കൂട്ടി വിളിച്ച് പേര് രജിസ്റ്റര്‍ ചെയ്യേണ്ടതാണ്. ആദ്യം രജിസ്റ്റര്‍ ചെയ്യുന്ന 200 പേര്‍ക്ക് മാത്രമേ ക്യാംപില്‍ പങ്കെടുക്കാന്‍ അവസരമുണ്ടാകൂ. 8606311321, 8606518251.