വണ്ടൂര്‍: പോരൂര്‍ ഗവര്‍മെന്റ് ഹയര്‍സെക്കന്‍ഡറി സ്‌കൂളില്‍ അധ്യാപകന്‍ അപമര്യാദയായി പെരുമാറിയെന്ന പരാതിയില്‍ ചൈല്‍ഡ് ലൈന്‍ പ്രവര്‍ത്തകര്‍ സ്‌കൂളിലെത്തി വിവരം ശേഖരിച്ചു. ചൈല്‍ഡ് ലൈന്‍ കൗണ്‍സിലര്‍മാരായ മുഹ്‌സിന്‍ പാരി, രാജുകൃഷ്ണന്‍, എം.വിനു എന്നിവരാണ് സ്‌കൂളിലെത്തി പ്രിന്‍സിപ്പലില്‍ നിന്നും വിദ്യാര്‍ഥിനികളില്‍ നിന്നും വിവരങ്ങള്‍ ശേഖരിച്ചത്.
ഹയര്‍സക്കന്‍ഡറിയിലെ അധ്യാപകന്‍ വിദ്യാര്‍ഥിനികളോട് മോശമായി പെരുമാറിയെന്ന പരാതിയില്‍ കഴിഞ്ഞ ദിവസം സ്‌കൂളില്‍ വിദ്യാര്‍ഥി പ്രതിഷേധം നടന്നിരുന്നു. അധ്യാപകനെതിരേ നടപടിയാവിശ്യപെട്ട് പ്രിന്‍സിപ്പല്‍ ഹയര്‍സെക്കന്‍ഡറി ഡയരക്ടറടക്കം റിപ്പോര്‍ട്ടും നല്‍കിയിട്ടുണ്ട്. എന്നാല്‍ സംഭവത്തിനു പിന്നില്‍ രാഷ്ട്രീയ പകപോക്കലാണെന്നാണ് അധ്യാപകന്റെ വിശദീകരണം.