കോതമംഗലം: തലക്കോടുള്ള കോഴിഫാമില്‍ നിന്ന് കോഴി മോഷ്ടിച്ച മൂന്നു പേരെ ഊന്നുകല്‍ എസ്.ഐ കെ.എം സൂപ്പിയുടെ നേതൃത്വത്തില്‍ അറസ്റ്റു ചെയ്തു. തലക്കോട് ആലിന്‍ചുവട് കുഴിക്കാട്ടില്‍ ആനന്ദന്‍ (32) തലക്കോട് സ്വദേശികളായ ഉടുമ്പ് അനൂപ് എന്ന് വിളിക്കുന്ന തേലക്കാട്ട് അനൂപ് (35) ചെമ്മനശ്ശേരി അനുപ് (32) എന്നിവരാണ് അറസ്റ്റിലായത്. അതേ സമയം വെള്ളിയാഴ്ച തലക്കോട് വൃദ്ധയെ തള്ളിയിട്ട് രണ്ട് പവന്‍ തൂക്കം വരുന്ന സ്വര്‍ണമാല മോഷ്ടിച്ച സംഭവത്തിലെ പ്രതികളുമായി ഇവര്‍ക്ക് ബന്ധമുള്ളതായും മാല മോഷ്ടാക്കള്‍ക്ക് പലവിധത്തിലുള്ള സഹായങ്ങള്‍ ഇവര്‍ മുഖാന്തിരം ചെയ്ത് നല്‍കിയിരുന്നതായി വ്യക്തമായിട്ടുണ്ടെന്നും പൊലിസ് പറഞ്ഞു.
തലക്കോട് പ്ലാലക്കല്‍ സാറാമ്മ കുര്യാക്കോസിന്റെ മാലയാണ് കഴിഞ്ഞ ദിവസം ബൈക്കിലെത്തിയ രണ്ടംഗ സംഘം തട്ടിയെടുത്തത്. ഇവരില്‍ ഒരാള്‍ പോലീസിനെ കണ്ട് പുഴയില്‍ ചാടി രക്ഷപെടാന്‍ ശ്രമിക്കുന്നതിനിടെ മുങ്ങി മരിച്ചിരുന്നു.