കോട്ടയം: കെ.എസ.്ആര്‍.ടിസി ഒരുവിഭാഗം ജീവനക്കാരുടെ 24 മണിക്കൂര്‍ പണിമുടക്കിനെ തുടര്‍ന്ന് കോട്ടയം കെ.എസ്.ആര്‍.ടി.സിയില്‍ നേരിയ സംഘര്‍ഷം.
ജീവനക്കാര്‍ നടത്തുന്ന സമരം ഒരു വിഭാഗം ജീവനക്കാര്‍ ഇടപെട്ട് പൊളിക്കാന്‍ ശ്രമിച്ചതോടെയാണ് കെഎസ്ആര്‍ടിസി ബസ് സ്റ്റാന്‍ഡില്‍ നേരീയ സംഘര്‍ഷമുണ്ടായത്.
ഇന്നലെ രാവിലെ ഒമ്പതിനു തെങ്കാശിയിലേക്ക് പോകുന്ന ബസ്, സ്റ്റാന്‍ഡില്‍ നിന്നും യാത്രതിരിക്കുന്നതിനിടെ ജീവനക്കാര്‍ ചേര്‍ന്ന് ബസ് തടഞ്ഞു. തൂടര്‍ന്ന് ജീവനക്കാര്‍ തമ്മില്‍ അങ്ങോട്ടും ഇങ്ങോട്ടും ഉന്തും തള്ളുമുണ്ടായി.
10നു പുറപ്പെടേണ്ട തെങ്കാശി ബസ് ഒമ്പതിനു ബസ് സര്‍വീസ് നടത്താന്‍ അനുമതി നല്‍കിയതില്‍ പ്രതിഷേധിച്ച് മറ്റു യൂണിയന്‍ തൊഴിലാളികള്‍ കെ.എസ്.ആര്‍.ടി.സി കണ്‍ട്രോളിംഗ് ഓഫീസറുടെ മുറിയുടെ മുന്നില്‍ മുദ്രാവാക്യവുമായി എത്തി. തുടര്‍ന്ന് നടന്ന ചര്‍ച്ചയെ തുടര്‍ന്നാണ് പ്രതിഷേധക്കാര്‍ പിന്‍മാറിയത്.