കണ്ണൂര്‍: ചരിത്രത്തില്‍ ഉണ്ടായിട്ടില്ലാത്ത ദുരവസ്ഥയിലൂടെയാണ് കെ.എസ്.ആര്‍.ടി.സി ഇപ്പോള്‍ കടന്നുപോവുന്നതെന്നും ഗതാഗത മന്ത്രിയും ഇടതു സര്‍ക്കാരിരും ഇരുട്ടില്‍ തപ്പുകയാണെന്നും ഡി.സി.സി പ്രസിഡന്റ് സതീശന്‍ പാച്ചേനി. കേരള ട്രാന്‍സ്‌പോര്‍ട്ട് എംപ്ലോയീസ് യൂനിന്‍ (ഐ.എന്‍.ടി.യു.സി) ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം.
കഴിവുകെട്ട മന്ത്രിയാണ് ഗതാഗത വകുപ്പ് ഭരിക്കുന്നത്. തുക ലഭിച്ചെന്നു പറയുമ്പോഴും അത് എങ്ങനെ വിനിയോഗിക്കണം എന്നു പോലും ധാരണയില്ല. ഏഴുമാസത്തെ ഇടതു ഭരണത്തില്‍ എല്ലാം അവതാളത്തിലാകുന്ന സ്ഥിതിയാണെന്നും പാച്ചേനി പറഞ്ഞു. ഐ.എന്‍.ടി.യു.സി സംസ്ഥാന ജനറല്‍ സെക്രട്ടറി കെ സുരേന്ദ്രന്‍ മുഖ്യപ്രഭാഷണം നടത്തി. ജില്ലാ പ്രസിഡന്റ് എ.എന്‍ രാജേഷ് അധ്യക്ഷനായി. ഇ.പി സന്തോഷ് കുമാര്‍ സംസാരിച്ചു.