റിയാദ്: രാജ്യത്തെ ആദ്യ വനിതാ സ്‌ക്വാഷ് മത്സരത്തിന് ഞായറാഴ്ച്ച തുടക്കമാകും. സഊദിയില്‍ ആദ്യമായാണ് വനിതകളുടെ സ്‌പോര്‍ട്‌സ് വിഭാഗം ടൂര്‍ണമെന്റ് നടക്കുന്നത്. സഊദി പ്രൊഫഷണല്‍ സ്‌ക്വാഷ് അസോസിയേഷന്‍ (പി.എസ്.എ) യുടെ നേതൃത്വത്തില്‍ റിയാദില്‍ നടക്കുന്ന ടൂര്‍ണമെന്റില്‍ അന്ത്രാഷ്ട്ര തലത്തിലെ പ്രമുഖ സ്‌ക്വാഷ് താരങ്ങളായ 32 പേര്‍ പങ്കെടുക്കും. രാജ്യത്തെ ഏക സ്‌ക്വാഷ് താരവും ആദ്യ താരവുമായ നദ അബു അല്‍ നജയും പങ്കെടുക്കുന്നുണ്ട്. സഊദികള്‍ക്ക് കൂടുതല്‍ മേഖലകള്‍ തുറന്നു കൊടുക്കുന്നതിന്റെ ഭാഗമായാണ് വനിതകളുടെ സ്‌പോര്‍ട്‌സ് വിഭാഗങ്ങളും രാജ്യത്തേക്ക് ആകര്‍ഷിക്കുന്നത്. 165,000 ഡോളര്‍ മൂല്യമുള്ള സമ്മാനമാണ് വിജയിയെ കാത്തിരിക്കുന്നത്. ഫ്രഞ്ച് താരം കാമില്ലേ സെര്‍മിയെയായിരിക്കും സഊദി താരം നദ അബു അല്‍ നജ നേരിടുക.