ബെര്‍ലിന്‍: സ്റ്റാച്യൂ ഓഫ് ലിബര്‍ട്ടിയുടെ തലവെട്ടി നില്‍ക്കുന്ന ട്രംപിന്റെ കാര്‍ട്ടൂണ്‍ പ്രസിദ്ധീകരിച്ച ജര്‍മന്‍ മാസികവിവാദത്തില്‍. അമേരിക്ക ഒന്നാമത് എന്ന ക്യാംപ്ഷനോടെ സ്റ്റാച്യൂ ഓഫ് ലിബര്‍ട്ടിയുടെ തലവെട്ടി ചോരയൊലിപ്പിക്കുന്ന കത്തിയുമായി ട്രംപ് നില്‍ക്കുന്നതാണ് കാര്‍ട്ടൂണ്‍. 1980ല്‍ ക്യൂബന്‍ അഭയാര്‍ഥിയായി യു. എസിലെത്തിയ എഡല്‍ റോഡ്രിഗസാണ് കാര്‍ട്ടൂണ്‍ വരച്ചത്. ജനാധിപത്യത്തിന്റെ തലയറുക്കുന്നതാണ് ചിത്രം പ്രതിനിധീകരിക്കുന്നതെന്ന് എഡല്‍ പ്രതികരിച്ചു. അമേരിക്കയില്‍ സംഭവിച്ചു കൊണ്ടിരിക്കുന്നത് ഇതു തന്നെയാണെന്നും അദ്ദേഹം കൂട്ടിച്ചര്‍ത്തു.
അതേ സമയം കാര്‍ട്ടൂണിനെതിരെ പ്രതിഷേധവുമായി ഒത്തിരി പേര്‍ രംഗത്തെത്തി.