കൂറ്റനാട്: പാലക്കാട് കൂറ്റനാട് തനിക്കെതിരെ സി.പി.എം പ്രവര്‍ത്തകര്‍ നടത്തിയ അതിക്രമത്തില്‍ ശക്തമായി പ്രതികരിച്ച് വി.ടി ബല്‍റാം എം.എല്‍.എ. 'ഗോപാല സേനക്ക് കീഴടങ്ങില്ല. എന്നെ സംരക്ഷിച്ച യു.ഡി.എഫ് പ്രവര്‍ത്തകര്‍ക്ക് നന്ദി'- ബല്‍റാം ഫേസ്ബുക്കില്‍ കുറിച്ചു.

ഇന്ന് കൂറ്റനാട് ഒരു പരുപാടിയില്‍ പങ്കെടുക്കാനെത്തിയ ബല്‍റാമിനു നേരെ സി.പി.എം പ്രവര്‍ത്തകര്‍ കയ്യേറ്റവും ചീമുട്ടയേറും നടത്തിയിരുന്നു. അദ്ദഹത്തിന്റെ വാഹനത്തിനു നേരെ കല്ലെറിയുകയും ചെയ്തു.

സി.പി.എമ്മിന്റെ ഭീഷണിക്കും ഫാസിസത്തിനും മുമ്പില്‍ കീഴടങ്ങില്ലെന്ന് അദ്ദേഹം സംഭവസ്ഥലത്തു വെച്ച് മാധ്യമപ്രവര്‍ത്തകരോട് പ്രതികരിച്ചിരുന്നു. വ്യാപക അക്രമങ്ങളും കല്ലേറുമാണ് ഡി.വൈ.എഫ്.ഐ നടത്തിയത്. ആക്രമണത്തിന് ആയുധങ്ങള്‍ ഉപയോഗിച്ചിട്ടുണ്ടെന്നും ബല്‍റാം ആരോപിച്ചു.

തനിക്ക് ആവശ്യമായ സുരക്ഷ ഒരുക്കുന്ന കാര്യത്തില്‍ പൊലിസ് പരാജയപ്പെട്ടെന്ന് അദ്ദേഹം കുറ്റപ്പെടുത്തി.